De Heimatvereen Schörtens hett wiederhen de Utstellungen van den Bund för de Vertriebenen in`t Heimathuus un de Olympia Utstellung in Roffhuusen.
De Utstellungsfläche is dor dütlich vergrötert wurden. Bi de Besökertahl goht wi van ca.500 in`t Johr ut.
Grönkohleten is in Januar jedet Johr, wi wählt ok immer en Kohlkönig un en Kohlkönigin.
2 neie Ehrenmitglieder sünd up de letzte Mitgliederversammlung in Februar wählt wurden; de Vereen hett nu 3 Ehrenmitglieder, dat sünd ehemalige Vereensvörsitter. De Heimatvereen is up facebook vertreden un hett 300 Frünnen; eenige Artikel van de Vereens-Internetsied – 250 Klicks an`n Dag – sünd in Wikipedia intoseen. De in`t Johr 2012 inführte Klönabende, weerd jedsmaal van ca. 20 Lü besöcht, de holl wi jeden 2. Maant af.
To de Vereenen „Klosterparkfrünnen“ , „Landfroon“ un „Klostervereen Ihlow“ holl wi reegen Kontakt un maakt tosamen Veranstaltungen.
All`s, wat van de Stadt ut anboden wat, nehm wi wohr, de „Heimatvereen is överall darbi“.
De anboden Reisen weerd good annomen,(3 Touren hebbt wi maakt; 2 x 1 Dag un 1 x een 5 Dagestour na Franken)!
Wi präsenteert Vörträge, toon Bispill över „Sprechende Steine“ (Heino Albers), Gäste ut Jever un Wilhelmshaven weern dorbi; Froo Prof. Dr. Sander (Schloss Museum Jever) hett en Vörtrag hollen (Das Oestringer Wunderpferd) un Revierförster C.F. Streufert (Krickmeere etc.) disse weern good besöcht. Inladungen van andere Institutionen weerd van uns wahrnomen Denn hebbt wi noch een plattdütschen Obend hatt mit Musik un Döntjes.
Jüst hebbt wi de Utstellung „Omas Waschtag“ afslooten; to de Eröffnung sünd ca. 50 Gäste koomen, de Utstellung weer een grooten Erfolg, ca. 250 Besöker hebbt wi an de 4 Wekenenden hatt. Uns „Güstkinnelbeer“ weer an`n 02.11.2013 so goot besöcht, wie all lang nich mehr; ca. 60 Lü hebbt an de Veranstaltung deelnomen. Een Deern hett een plattdütsch Geschicht vörleesen, de se in den Plattdütsch-Ünnerricht, de van Mitglieder in Schoolen hollen wat, leert hett..
Unse Adventsfier an`n 30.11.2013 weer sehr good besöcht! 60 Lü sünd dorbi weesen. Chr. Berner hett up dat Akkordeon Wiehnachtsmusik speelt un uns bi dat singen van Leeder begleit´t. Dat weer een besinnliche Fier.
In´n Dezember, an`n 14. un 15.12.2013, hebbt wi een Stand bi „Wiehnachten bi de Kark“ hatt. Wi weern mit een Radel dorbi un hebbt Böker verköfft. Dat weer een grooten Erfolg Veele Minschen sünd an unsen Stand weesen.
Un denn is door noch dat „Beiern“ Silvesterobend in´n Klockenturm van de St.Stephanus-Kark. Wi sünd dorbi un övergeeft „Glockensmeer“; denn nehmt wi noch an den Olljahrsabend-Gottesdeenst deel.
De Mitgliedertool is relativ stabil; wi sünd stolt up unse 250 Mitglieder.