Plattdütsch Klönsnack öber allns, wat mit Füerwehr to don hat
Keen Doktor or Handwarker kümmt vandagen mehr to de Lüd na Huus. En Grupp gift dat ok hüt noch, de Huusbesöök makt. Und sei sünd ok bannig stolt daarup: De Füerwehr. „Wenn de Füerwehr kümmt“ weer dat Motto van de plattdüütsch Klönsnack in Jevers Anton – Günther – Saal. Un veer Füerwehrlüd ha de Leiter Horst Janßen to Gast, de so allerlei ut ehr lang Tied bi de Füerwehr vertellen kunn. Und wenn se sük dat up Platt vertellen, kunn man ja ok mal versöken, up Platt daröber to schrieben.
Wi man na de Füerwehr kummt, kunn Joki Fischer vertellen. He weer as Kind ünnerweegs un wull Water holen, damit sien Oma Tee maken kunn – Waterleitung gäv dat in sien Dörp noch nich – da käm die Füerwehr vörbi, wiel bi een Nahber de Schüür in Flammen stunn. Daar weer för Joki Fischer klor: Oma mutt ehr Tee later drinken, dat Füür is erst mal wichtiger. Un so is he bit hüt bi de Füerwehr.
Veel to vertellen ha ok Horst Reese. He weer lange Jahr Stadtbrandmester in Jever und weer bi all de groten Vörfällen darbi. Anfungen bi de grote Brand van de Stadtkark in de Jahr 1959 öber de Sturmflood 1962. Ganz besünners schrecklich wer een Unfall in Moorwarfen in 1986, wüss he to vertellen. Dor wer en Citroen 2CV tüsken twee LKW quetzk worden. Van de twee Lüüt in de Auto is keen lebend rutkomen.
Ok wu sük de Upgaaven verännert häwt, kunn he berichten. Wer dat fröher de Bekämpfung van Bränden, so helpt de Fürwehr vandag mehr bi Unfällen und Katastrophen. Und wat mokt de Füerwehr egentlik, wenn se grad wat gegen de „Brand na de Brand“ doon und just in de Moment kummt een Insatz?“ wer de Fraag van een Tohörer. Daar weer Horst Reese nich um een Antwort verlegen. „För de Fall gift dat de „Nachbarliche Löschhilfe“. Daar geit denn een anner Füerwehr rut.“