Leewe Beierslütt

(Text von Anne Bödecker, Bilder von Michael Kunz)

Hannes, Horst, Hilko und Hermann
Leewe Frow Pastorin Hinrichs, leewe Mitstrieder toon Erholt von use Traditionen.

Ich bring jo die hartlichsten Grötens van Rat und Verwaltung van de Stadt Schörtens.

Wenn wie hier bowen staht, is wer ein Jahr vorbi gan. Mui is, dat wie uns hier all wer gesund und munter einfunnen hevt. Dat wiest ok, dat dat Beiern int letzt Johr wat brocht het, denn de fünschen Spökers sind von us wechbleeven.

Wi könnt blied wen, dat wi hier in Schörtens, ook in die Störmtied van Katastrophen verschont blewen sünd und dat wir hier in Ruh leeven könnt und dat us dat in Grooten und Ganzen doch recht good geiht. 

Dorvan wüll wi aber nich de vergeten, de dat int letzt Johr nicht so gut gung und wi willt hopen und beden, dat int nächst Johr nicht soveel Minschen zu lieden hevt, toon Bespeel ünner Krieg, Verfolgung und Naturkatastrophen.

Denken wüll wie ook an de Minschen hier in Schörtens, de letzt Johr dat letzt Mal dat Beiern hört hevt.

Aber lat us na vörn kieken.
Wi willt dat nächst Johr woll bemöten und lat uns darup hopen, dat wi uns an nächsten Sylvester, wer al gesund und munter hier bit Beiern dropen könnt.

Ik dank jo, dat ji jedes Johr toverlässig uns Tradition, uns Beiern, uprecht erholt und min Hopnung is, dat wi uns ok nächst Johr wer all tohop ünner uns Glocken dropen dot.

Damit de Glocken denn nu bit Beiern ok richtig klingt, heb ich för jo noch beten Glockschmeer mitbrocht. Ik denk, dat helpt seker een beeten mit.

Fört neije Johr wünsch ik allen Minschen, vör allem in Schörtens und umto, allens Goode. Een  goodes nejet Johr 2014.