Guinness Buch Rekordträger beim Heimatverein

Unser verdientes Mitglied Horst Janßen hat auf unserem Klönabend anliegenden Exkurs zum Besten gegeben:

IMG_0407

Van’t 1. bit 10. Februar hett in Oldenborg un Ümto dat „Plattart Festival Neei Nedderdüütsch Kultur“ stattfunnen. Siet 1. Februar is ok dat 222 Stünnen „Langloopläsen“ in Staatstheater togang wen. Man will een Rekord för’t Guinnes Book upstellen.

Över 3oo Lüü, de sik vörher anmellen mussen, hebbt Plattdüütsch Literatur leest. Jedereen hett een ½ Stünnen Vörlees-Tied över Daag un 1 Stünnen jeweils över Nacht hat. De Tied is bi de Anmellung todeelt wurn. Dat Leesen dröft nich unnerbreken worden. Jede Daag stunn ünner een anner Thema: Hoopnung, Leev, Heranwassen, Verloop, Mannslüü, Froonslüü, Tosamenkamen, Entscheeden, Krimi un Ofscheed. De Text is vörher in’t Huus tostürt wurn. Bi Krankheid gev dat ne`lütte Insatztrupp, de ok mal nachts inspringen muss. Ganz wichtig wer de Toverlaat van de Leeser, denn man moot in London nawiesen, dat de Kett nich affreeten ist.

An 1. Febr. gung dat üm 15.00 Ühr los mit Bischof Jan Janssen. He hett sik de erste Stünn deelt mit Jutta Engbers van de Oldenborgisch Landschaft un Cornelia Nath van de Ostfreesisch Landschaft. Bischof Heinrich Timmerevers van’t katholisch Kark un de Baas van de August-Hinrichs-Spöldeel Oldenborg, Herwig Dust, hebbt ok vörleest. Dat Ennen van de Veranstalten hett de General-Intendant van’t Staatstheater, Markus Müller, mookt. He ist ut’n Allgäu un dat is een echt Bekenntnis to’n Plattdüütschen.

Ik sülvst hebb ok mit leest un wer an 6. Febr. üm 12.30 an de Rieg. Up Tied muss ik mi up de’n hogen Leesethron setten un denn gung dat los. Achter de Stohl stunn de groot Clock un leep un leep un leep. All Vörleeser hebbt een Urkunn kregen. Honne Dohrmann van’t Platt-Art-Festival hett seggt: Disse Veranstalten mokt man, üm mennig Minsken an Platt-Art to bedeligen un völ Interesse för de Plattdüütsch Spraak to betügen. De Leesung schull düütlich moken, wu völsiedig de nedderdüütsch Literatur is, de in Oldenborger Land schreven wur.

Plattdüütsch hett völ Upmarksaamkeit nödig. De Lüü, de dat noch snacken könt, de nehmt aff. Gifft avers ok jung Lüü, de noch Interesse hebbt, seggt Honne Dohrmann. Man sütt dat an de Besökers van de nedderdüütsch Upföhrungen in’t „Lütt Huus“ van’t Staatstheater. Dat is een Utdruck van’t Sücht na Identität. Mit  Platt-Art könt se wiesen, wovöl Potenzial Plattdüütsch hett, un wat in de Spraak steken deit.

Horst Janßen

Manuskript:

130207_Kloenabend

Für seine Teilnahme am oben beschriebenen Wettbewerb erhielt er anliegende Urkunde:

IMG_0413

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.