Ansprache der stellvertretenden Bürgermeisterin Anne Bödecker anlässlich des Beiers 2015 im Glockenturm der St. Stephanus Kirche Schortens.
Leewe Beierslü
..Hannes, ..Horst, ..Hilko, ..Hermann und ..Manfred
Leeve Pastor Schilling, leewe Mitstrieder vant Heimatverein toon Erholt von use Traditionen (Ilse Detjen und Michael Kunz), leeve Nabars und nich to vergeeten, leewe Reporters vant Blatt.
Mit uns Beiern maakt wie dütlich, dat dat Johr 2015 nun in een paar Stünnen vörbi is. Wat hebt wi nich wer all belevt: Int Stadtrat ist veel verhandelt worden und af und to gung dat hoog her und dat nich blot um Klöterkram. Af und to hett woll de een oder ander ook dacht: De hebt keen Middelschot mehr int Nös. Aber, ick denk, dat wi al, so ok Rat und Verwaltung, toon Besten von use Stadt Schörtens veel arbeit hevt. Van Aftöben un Teedrinken wer weniger de Reed.
Mui is, dat wi uns hier all weer gesund und munter infunnen hevt und een niege Pastor hebt wi ok kreegen. An diese Stee segg ick doorvan to üm: Dat is mui, dat sie door sind. Un to de annern: Plattdütsch schall he woll ok noch lieren.
Us Beiern int letzt Johr het so, wie wi segt, veel brocht un de fünschen Spökers sind ok dit Johr van uns wechbleeven oder gau weer utneiht. In Schörtens geiht us dat in Groten und Ganzen good.
Wi hevt aber ok hier bi uns Minschen, de dat nicht so good geiht, un de van us hulpen werden mött. Dat dot wi. Und wi wüllt hopen und beeden, dat int nächst Johr nich so veel Minschen lieden möt.
Denken wüllt wi ok an de Minschen, de int letzt Johr dat Beiern toon letzten Mal hört hevt und hopen, dat de Angehörigen Trost finnen dot.
Wat mi freut, un woröber ick in us Stadt stolt bün, is:
Wi hevt ganz veele Minschen, de sick düchtig för de annern insett und ganz veel Arbeit ümsonst dot. Hier ok noch mal – an disse Stee – van Harten veelen Dank. Denn ohn disse Arbeit kunn dat alls nicht so good funktionieren. Und wi makt ok na buten klor: Wi hier in Schörtens holt tohoop.
Lat us na vörn kieken.
Wi willt dat nächst Johr woll bemöten und ick hev Toversicht, dat us Tradition, us Beiern, ok int nächst Johr wer stattfinden deit und ji, leeve Beierslü, us Tradition uprecht holt, un wi up jo tellen könnt. Veelen Dank an jo maakt wieder so. Un de hartlichsten Grötens van Rat und Verwaltung van de Stadt Schörtens, besünders ok van usen Bürgermeester, Gerd Böhling.
Damit de Glocken denn nu bit Beiern ok richtig klingen doot, heb ich för jo noch beten Glockschmeer mitbrocht. Ik denk, dat helpt seker ok noch een beeten mit.
Fört neije Johr wünsch ik allen Minschen, vör allem in Schörtens und umto, allens Goode. Een goodes nejet Johr 2016.